प्रस्थापित मराठा घराणेशाहीतील पार्थ पवार विरुध्द वंचित घटक आगरी समाजातील राजाराम पाटील असा सामना मावळ मतदार संघात रंगणार…! राजेश खडके सकल मराठी समाज

मावळ लोकसभा मतदार संघ २००८ साली निर्माण करण्यात आला व ह्यामध्ये पुणे व रायगड जिल्ह्यातील प्रत्येक ३ विधानसभा मतदारसंघ समाविष्ट केले गेले आहेत.रायगड जिल्ह्याला ऐतिहासिक महत्व आहे हे महत्व ओळखूनच महत्मा ज्योतिबा फुले आणि डॉ बाबसाहेब आंबेडकर यांनी रायगडाला व रायगडाच्या परिसराला विशेष महत्व दिलेले आहे.त्यामुळे येथे शेतकरी कामगार पक्षाची ताकद असताना येथे त्यांचा उमेदवार सध्या निवडून येऊ शकत नाही.सध्या तो पक्ष कॉंग्रेस-राष्ट्रवादी महाआघाडीत आहे.बहुजन समाज पक्षाची २५ हजार मते या मतदार संघात असल्यामुळे शरद पवार हे पार्थ पवार यांची उमेदवारी निवडून आणण्यासाठी बहन मायावती यांना गळ घालीत आहेत.सध्या शिवसेनेचा खासदार म्हणून श्रीरंग बारणे आहेत...त्यांना पुन्हा उमेदवारी मिळेल की नाही सांगता येत नाही.परंतु हा मतदार संघ आरएसएसच्या ताब्यात आहेत रायगडच्या सभेत भाषण करताना प्रकाश आंबेडकर म्हणाले होते की,याठिकाणी आरएसएसच्या लोकांकडे बॉम्ब आणि पिस्तुले सापडलेली आहेत.या परिसरात आरएसएसची आतंकवादी अड्डे आहेत.इथल्या खोतांनी कुळाला मारून टाकले आहे.इथल्या कुळासाठी डॉ बाबासाहेब आंबेडकर यांनी खोती आंदोलन केले आहे.स्वराज्यातील आरमाराची शान असलेला आगरी समाज इथल्या मनुवादी व्यावस्थेने भांडवलशाहीच्या माध्यमातून संपविण्याचा घाट घातला आहे.त्यामुळे इथला वंचित घटकांचा अजूनपर्यंत विकास होऊ दिलेला नाही.बरेच असे प्रश्न आहे ती प्रश्न धर्माच्या नावाखाली दाबलेली आहेत.त्यामुळे ज्या प्रकारे बारामती लोकसभा मतदार संघाचे झाले आहे.त्याच प्रमाणे या मतदार संघाचे झाले आहे आणि पुढे होणार आहे.त्यामुळे इथला शिवसेनचा उमेदवारही पडला पाहिजे आणि प्रस्थापित मराठा घराणेशाही देखील उभी राहिली नाही पाहिजे असे आमच्या सकल मराठी समाजाचे म्हणणे आहे.त्यामुळे प्रकाश आंबेडकर यांच्यावर विश्वास ठेऊन आलेला हा आगरी समाजास संसदेत कसे पाठविता येतील याची काळजी वंचित बहुजन आघाडीच्या कार्यकर्त्यानी घेतली पाहिजे.कारण हा लढा इथल्या आरएसएस प्रणीत आतंकवादी आणि प्रस्थापित मराठाशाही यांचे बरोबर आहे.त्यामुळे वंचित बहुजन आघाडीच्या कार्यकर्त्यानी मोठ्या ताकदीने या आगरी समाजाच्या पाठीशी उभे राहिले पाहिजे असे आमच्या सकल मराठी समाजाला वाटत आहे.