तालुक्यातील २५ पेक्षा अधिक बचत गटातील महिलांनी प्रत्येकी एक तरी झाड लावले पाहिजे, या उपक्रमाचा शुभारंभ हिरवळ दिलासा संस्थेचे संस्थापक अध्यक्ष किशोर धारिया यांच्या हस्ते करण्यात आला. पर्यावरण चिंतन करतांना केवळ उपदेश न करता निसर्गाचा एक घटक म्हणून त्याचे संवर्धन करणे आवश्यक आहे.
आपल्या घरासमोर एक झाड लावून त्याचे चांगले संगोपन केल्यास पर्यावरणाचा समतोल साधण्यास मोलाचे सहकार्य मिळणार आहे. महाड तालुक्यात २५ हजार झाडे लावण्यात येणार असून त्याचे संगोपन महिला बचत गटांकडून केले जाईल.
आपल्या घराच्या मागील भागामध्ये परसबाग तयार करण्याचे आवाहन संस्थेने केले आहे. त्यासाठी आवळा सप्तपर्णी, कडूलिंब, कडीपत्ता, काजू, बदाम, अशोका,ॲकेशिया, मॅजियम याच बरोबर भेंडी, मिरची, काकडी, वांगी, यांची रोपे व बियाण्यांचे वाटप करण्यात आले.
No comments:
Post a Comment